Уларҙы оҙатыу сараһы «Өфө-Арена» спорт комплексы алдындағы майҙанда үтте. Хәрбиҙәр тыуған яғында ике аҙна ял иткән. Ир-егеттәрҙе ғаиләләре, дуҫтары, хәрби комиссариат вәкилдәре һәм Ирек Сәғитов оҙатты. Башҡортостан Хөкүмәте Премьер-министры урынбаҫары вазифаһын башҡарыусы яугирҙарға рәхмәт һүҙҙәрен еткереп, иҫән-һау әйләнеп ҡайтыуҙарын теләне. Республика етәкселеге һеҙҙең һәм ғаиләләрегеҙ хаҡында хәстәрлек күрәсәк, төбәктә 4 тиҫтәнән ашыу ярҙам сараһы ҡаралған, тине Ирек Сәғитов. Егеттәр хеҙмәт итеү урынына ойошҡан рәүештә «Башавтотранс» автобустарында барасаҡ. Транспорт саралары маршруты республика башлығы Радий Хәбиров ҡушыуы буйынса ойошторола.
