Улар Советтар Союзы Геройы Виктор Бесценный исемендәге беренсе Иглин мәктәбе активистары. Осрашыу тарих һәм крайҙы өйрәнеү музейында дуҫтарса йылы шарттарҙа үтте. «Рэд» ҡушаматлы яугир хәрби хеҙмәт үҙенсәлектәре, яуҙағы берҙәмлек хаҡында һөйләне. Үҫмерҙәрҙең һорауҙарына яуап бирҙе. Мәктәп уҡыусыларынан тыш осрашыуҙа ҡатнашҡан өлкәндәр ҙә яугир менән патриотик тәрбиә темаһына әңгәмәләште.
Тиҙҙән махсус хәрби операцияла ҡатнашыусы яугирҙы мәктәптәргә лә осрашыуға саҡырасаҡтар. Малай-ҡыҙҙар ҡаһарманлыҡ өлгөһөн махсус хәрби операцияны үҙ иңдәрендә кисергән яугир һөйләгәндәрҙән ишетеп беләсәк.
