Быйыл 8 айҙа күрһәткестәр яҡшырған, тип яҙа социаль селтәрҙә Премьер-министр вазифаһын башҡарыусы Андрей Назаров. Беҙҙең республика 100-гә яҡын ил менән бәйләнеш урынлаштырған. -Радий Хәбиров иҡтисади үҫеш өсөн башҡа дәүләттәр менән хеҙмәттәшлек кәрәклеген билдәләне. Һөҙөмтәле бәйләнештәр булдырыу өсөн Башҡортостан вәкиллектәре асыла. Әле беҙҙең республика вәкилдәре Беларусь, Ҡаҙағстан, Үзбәкстан, Төркиә, Ҡытай һәм Берләшкән ғәрәп әмирлектәрендә эшләй, - ти Андрей Назаров.
