Рәсәй йәмәғәт палатаһы һәм RAEX рейтинг агентлығы төбәк йәмәғәт палаталарының яңы рейтингын иғлан итте. Уның төп бурысы - ҡатнашыусыларҙың көслө һәм көсһөҙ яҡтарын күрһәтеү, ул төбәк вәкилдәренә һөҙөмтәлерәк булырға ярҙам итергә тейеш. Был юлы беренсе урынға Ульяновск өлкәһенең йәмәғәт палатаһы сыҡты. Башҡортостандың йәмәғәт палатаһы йомғаҡлау рейтингында уртаса һөҙөмтәлелек кимәлен күрһәткән төбәк йәмәғәт палаталары төркөмөнә инә. Быға тиклем ул һуңғы урындарҙың береһен биләй ине.
