Таурат Зәйнуллин “Ватан һаҡсыһы атаһы” тип исемләнгән миҙал менән бүләкләнде. Рәсәй Президенты Владимир Путин быйыл июндә Альберт Зәйнуллинға Ҡыҙыл Йондоҙ тапшырҙы. “Олатайҙарыбыҙ ҡаһарман булған. Ил һағында торған. Альберт та ысын яугир. Улым менән ғорурланам”, - тип белдерҙе Таурат Зәйнуллин беҙҙең телерадиокомпанияға биргән интервьюһында. Таурат ағай ғүмер буйы шофер, крансы булып эшләгән. Бөгөн Силәбе өлкәһе Сосновка районында йәшәй.
Рәсәй Геройы Альберт Зәйнуллин махсус операциянан һуң “Батырлыҡ дәрестәре” алып барырға ниәтләй. “Балалар ысын патриот булып үҫергә, Ватанын яратырға тейеш”, тип иҫәпләй ул.
