Хөкүмәттә уҙған оператив кәңәшмәлә Яңы йылға әҙерлек мәсьәләһе ҡаралды. Радий Хәбиров балалар һәм ғаиләләр өсөн ысын байрам уҙғарырға, кисәләр үткәрергә, шыршы янында боҙ ҡаласыҡтары булдырырға ҡушты. “Улар ваҡытында әҙер булырға тейеш”, - тине республика етәксеһе. Киләһе кәңәшмәлә Торлаҡ-коммуналь хужалыҡ һәм Мәҙәниәт министрлыҡтары яңы йыл саралары буйынса доклад менән сығыш яһарға тейеш.
