“Беҙҙе Еңеү менән көтөгөҙ!” Махсус хәрби операцияла ҡатнашыусы “Эвил” ҡушаматлы яугир шулай ти. Һалдаттың видеояҙмаһы менән Башҡортостан башлығы хакимиәте етәксеһе Максим Забелин уртаҡлашҡан. “Эвил” Мәләүез районы Ергән ауылынан. 2022 йылдың октябренән алғы һыҙыҡта хеҙмәт итә. Бронежилетының кеҫәһендә улы ебәргән хатты йөрөтә. “Балам яҙған һүҙҙәр ауыр мәлдә күңелде йылыта, көс өҫтәй”, - ти хәрби.
Республика ир-егеттәре яҡташтары менән бер сафҡа баҫа ала. Бының өсөн Оборона министрлығы менән килешеү төҙөргә кәрәк. Тулыраҡ белешмәне Ситуация үҙәгендә алырға мөмкин. Бәйләнеш телефоны: 122 йәки (347) 218-19-19. Башҡортостанда яугирҙарға һәм уларҙың ғаиләләренә 40 төр ярҙам сараһы ҡаралған.
