Ошо уңайҙан тармаҡ белгестәре кәңәшмәгә йыйылды. Ҡан тамырҙары сирҙәрен дауалау программаһына Башҡортостан тәүгеләрҙән булып инде. Бынан 15 йыл элек Өфө ҡалаһының ашығыс ярҙам клиник дауаханаһында, баш ҡаланың 18-се дауаханаһында һәм Белорет, Октябрьский ҡалаларында махсуслашҡан үҙәктәр асылды. Унда киҫкен коронар синдром һәм мейеләге ҡан әйләнеше боҙолоуы диагнозы менән пациенттар дауалана. Республика буйлап бындай үҙәктәр һаны 19 ға еткән.
