Республика Башлығы Радий Хәбиров Рәсәй һәм Ҡаҙағстан төбәк-ара хеҙмәттәшлек форумы алдынан шулай тип белдерҙе. Халыҡ-ара йыйын Өфөлә 26-27 ноябрҙә уҙғарыла. "Беҙҙең халыҡтарҙың тарихы, дине, теле, йолалары уртаҡ. Был йүнәлештәр тышҡы иҡтисади мөнәсәбәттәрҙе тулыландыра. Ҡаҙағстан халҡына туғандарса мөнәсәбәттәбеҙ. Форум мөмкинлектәрҙе баһалау, тәҡдимдәрҙе өйрәнеү, һөйләшеүҙәр уҙғарыу, килешеүҙәр төҙөү өсөн уникаль мөмкинлек", - тине Радий Хәбиров.
