“БАО” ҡушаматлы һалдат Октябрьский ҡалаһынан. Уға ҡыйыулыҡ һәм батырлыҡ күрһәткәне өсөн “За разминирование” миҙалы бирелгән. Октябрьский ҡалаһы хакимиәте башлығы Алексей Пальчинский ошо турала белдергән. “Ҡаһарман егетебеҙ менән ғорурланабыҙ. Герой тәрбиәләгән өсөн ата-әсәһенә рәхмәт әйтәбеҙ. Яугир иҫән-һау йөрөһөн. Еңеү менән тыуған яҡта көтәбеҙ”, - тигән ул. “БАО” армияға тиклем “Гвардия” хәрби-патриотик клубында шөғөлләнгән. Ҡораллы көстәр сафында хеҙмәт итеп ҡайтҡандан һуң Оборона министрлығы менән килешеү төҙөгән һәм Донбасҡа юлланған.
