ДОСААФ тәҡдиме менән башланған программа буйынса граждандарға Оборона министрлығы менән килешеү төҙөргә ярҙам иткән ирекмәндәргә 50 мең һум аҡса түләнә. Унда ҡатнашыу өсөн 18 йәше тулған ирекмән контракт буйынса хеҙмәт итергә теләгән хәрби менән ДОСААФ–ҡа мөрәжәғәт итергә, документ тултырырға, һуңынан хәрби комиссариатҡа килергә тейеш, ти ойошманың төбәк бүлексәһе етәксеһе Игорь Нурмөхәмәтов.
Әле программа буйынса 2300-ҙән ашыу ғариза ҡабул ителгән. Иң күп ғаризалар Өфө ҡалаһы һәм Ишембай районында йәшәүселәрҙән килгән.
