Махсус хәрби операцияла ҡатнашыусыларға ярҙам итеү тәҡдимен балалар үҙҙәре күтәреп сыҡҡан. Улар үҙҙәре белем алған 128-се мәктәптә көҙгө йәрминкә ойошторған, йәй буйы баҡсала үҫтергән уңышты, ҡул эштәрен һатыуға сығарған. Йыйылған аҡса алғы һыҙыҡтағы яугирҙарға кәрәк-яраҡ алыуға тотонолған. Уҡыусылар әйтеүенсә, был ҡарар осраҡлы түгел. Күп балаларҙың яҡындары махсус хәрбм операцияла ҡатнаша. 10-сы клас уҡыусыһы Виктория Хисамованың атаһы ла көҙ ил һағына баҫҡан. Бүләктәр беҙҙең күңел йылыбыҙҙы, изге теләктәребеҙҙе еткерер тип ышанабыҙ, ти ҡыҙҙар.
