Был турала Республика башлығы Радий Хәбиров Өфөлә Рәсәй һәм Ҡаҙағстандың 20-се төбәк-ара хеҙмәттәшлек форумында белдерҙе. Эшлекле йыйындың төп майҙансығы итеп Көрәш һарайы һайланды. Бында ике дәүләт кәсепселәренең күргәҙмәһе ойошторолған. Форумдың программаһына килгәндә ул миллиардтарса һумлыҡ килешеүҙәр менән билдәләнә. Мәҫәлән, үткән форумда ике ил төбәктәре һәм компаниялар араһында 7 миллиард һумдан ашыуға документтар имзаланған.
Башҡортостан һәм Ҡаҙағстан 30 йылдан ашыу сауҙа-иҡтисади бәйләнештәрҙе киңәйтә. 1993 йылда республикалар араһында тышҡы иҡтисади эшмәкәрлек тураһында килешеү төҙөлә.
