Эшлекле йыйын барышында Көрәш һарайы майҙаны алдында Аҙыҡ-түлек фестивале ойошторолған. Нефтекама ҡалаһынан эшҡыуар ЗинифаҮмәрбаева күргәҙмәгә Ҡырмыҫҡа иләүе тортын сығарған. 219 килограмм ауырлыҡтағы тәмлекәс уҙған йылда Рәсәй рекорды исемлегенә индерелгән.
Өфөлә Рәсәй-Ҡаҙағстан форумы дауам итә. Бөгөн ике төбәктең ашнаҡсылары бишбармаҡ әҙерләү буйынса оҫталығын күрһәтә. Милли ризыҡ – урама әҙерләү буйынса Рәсәй рекордын ҡуйыу планлаштырыла.
