Дәүләт автоинспекцияһының матбуғат хеҙмәтенән хәбәр итеүҙәренсә, авария уҙған төндә Шишмә-Аксенов -Ҡырғыҙ Миәкә автомобиль юлының 70-се километрында теркәлгән. Яҡынса мәғлүмәттәр буйынса, «Лада Калина»ның йәш водителе ҡаршы һыҙатҡа сығып, «КамАЗ» бензовозы менән бәрелешкән. Алынған йәрәхәттәрҙән еңел автомобиль хужабикәһе ваҡиға урынында уҡ һәләк булған. Авария сәбәптәрен асыҡлау дауам итә.
