«Беренселәр хәрәкәте лидеры» конкурсы финалы Өфө дәүләт нефть техник университетында уҙҙы. Сара республиканың 61 муниципаль берәмәгенән 600-ҙән ашыу әүҙем йәштәрҙе бер майҙанға йыйҙы. Уларҙың 120-һе төрлө номинацияларҙа еңеүсе тип танылды. Конкурста хәрәкәттең район бүлексәләренең 11 йәштән 25 йәшкә тиклемге ағзалары ҡатнашты. Талантлы йәштәрҙе асыҡлаусы бәйге икенсе тапҡыр Республика Мәғариф һәм фән министрлығы тарафынан ойошторола.
