Башҡортостан башлығы менән тура бәйләнеш барышында ошондай һорау ҡабул ителде. Уны Өфөнән Данил Никитин бирҙе. Үҫмер баш ҡалалағы 7-се балалар музыка мәктәбендә ҡурай класында шөғөлләнә.
“Ҡурайсылар дәүләт ансамблен күптән булдырыу кәрәк ине. Ул республикала мәҙәниәт флагманы булып тора”, - тине Башҡортостан башлығы Радий Хәбиров.
Башҡортостан дәүләт ҡурайсылар ансамбле декабрҙә Салауат, Мәләүез, Ишембай һәм башҡа ҡалаларҙа сығыш яһай. Киләһе йылда Силәбе өлкәһе һәм Татарстанға ҙур гастролдәр көтөлә.
