Республика Башлығы тура бәйләнеш барышында ошо турала белдерҙе. Әле бинала ремонт бара. Радий Хәбиров шулай уҡ Яҙыусылар берлеге рәйесе Айгиз Баймөхәмәтовҡа рәхмәт белдерҙе. Ижадсы Кемел Тоҡаевтың әҫәрен башҡорт теленә тәржемә иткән. Кемел Тоҡаев - Ҡаҙағстан президенты Ҡасим Жомарт Тоҡаевтың атаһы. “Ошондай эштәр уртаҡ тел табырға һәм оло дуҫлыҡҡа нигеҙ һалырға ярҙам итә”, - тине Республика Башлығы.
“Быйыл Радий Хәбиров менән тура бәйләнеш рекорд ҡуйҙы. 9 меңдән ашыу һорау был әңгәмәнең ни тиклем мөһим икәнлеген, шулай уҡ халыҡтың оло ышанысын күрһәтә”, - тигән фекерҙә Башҡортостан Яҙыусылар берлеге рәйесе Айгиз Баймөхәмәтов.
“Бөгөн власть менән диалог ҡороу мөһим. Тура бәйләнеш барышында республика һулышы беленә”, - ти Дәүләт Йыйылышы-Ҡоролтай депутаты Илнур Сәлихов.
