«Бизнес аҙналығы» сиктәрендә ойошторолған сарала 35 ил вәкилдәре ҡатнаша. Уның барышында 30 миллиард һумдан ашыу инвестиция проекттарын тормошҡа ашырыу буйынса килешеүҙәр төҙөләсәк.
Власть органдары вәкилдәре, эшҡыуарҙар, эксперттар, йәмәғәт эшмәкәрҙәре бер майҙанда бизнес проекттарҙы тормошҡа ашырыу, төбәк иҡтисадын үҫтереү һорауҙары буйынса тәжрибә уртаҡлашып фекер алышасаҡ.
Ялта халыҡ-ара иҡтисади форумы 2015 йылдан Ҡырым республикаһында ойошторола. Быйыл күләмле сараны Өфөлә уҙғарыу тәҡдиме осраҡлы һайланмаған. Махсус хәрби операция менән бәйле Ҡырымда форум уҙғарыу хәүефһеҙлек һәм логистика күҙлегенән сикләнә. Өфө халыҡ-ара кимәлдә эшлекле сараларҙы ойоштороу буйынса Рәсәйҙә алдынғы ҡалалар исемлегендә. Ялта халыҡ-ара иҡтисади форумы Башҡортостан менән Ҡырым республикаһының эшлекле мөнәсәбәттәрен тағы ла нығытып яңы проекттарға нигеҙ һалыр тип күҙаллана.
