Бөгөн төндә Туймазы районы Покровка ауылында күп балалы ғаиләнең өйөндә янғын сыҡҡан. Тауышҡа һәм төтөн еҫенә беренсе булып әсә кеше уяна. Ул шунда уҡ хәүефте аңлап ирен уята. Ата-әсә тиҙ арала 5, 8 һәм 10 йәшлек улдарын һәм бер йәше лә тулмағын ҡыҙҙарын тышҡа алып сыға. 70 квадрат метр майҙанды ялмап алған ут һүндерелә. Әммә йортта артабан йәшәү мөмкин түгел. Әле урында ғәҙәттән тыш хәлдәр министрлығы дознавателе эшләй. Ваҡиға сәбәптәре асыҡлана.
