Баш ҡалала «Коммуникацияның көнүҙәк проблемалары: теория һәм практика» тип исемләнгән Бөтә Рәсәй ғилми-ғәмәли конференцияһы үтте. Өфө фән һәм технологиялар университетының политология һәм йәмәғәтселек менән бәйләнеш кафедраһы студенттары алдында коммуникациялар өлкәһе белгестәре сығыш яһаны. Улар араһында юғары иҡтисад мәктәбе вәкилдәре, пиар-агентлыҡ етәкселәре, билдәле блогерҙар ҙа бар. 16-сы тапҡыр ойошторолған ғилми-ғәмәли конференция быйыл тәүгә Евразия фәнни-белем биреү үҙәгенең вуз-ара студенттар кампусында үтте.
