Республика Башлығы менән тура бәйләнештә Бөтә Рәсәй һаңғырауҙар йәмғиәтенең Башҡортостандағы бүлексәһе рәйесе Ольга Шевнина ҡатнашты. Ул Радий Хәбировҡа инвалидтарҙың проблемаларына иғтибар иткәне өсөн рәхмәт белдерҙе. Тематик йылдан һуң был йүнәлештә эштең нисек дауам ителәсәге тураһында ҡыҙыҡһынды.
“Һаулыҡ мөмкинлектәре сикле кешеләр хаҡында хәстәрлек был йыл менән генә сикләнмәй. Артабан да ошо йүнәлештә эште дауам итәбеҙ. Ғинуарҙа координация кәңәшмәһен үткәрәбеҙ”, тине Республика Башлығы.
