Башҡортостан башлығы менән тура бәйләнеш барышында ошо турала хәбәр иттеләр. “Район һәм ҡалаларҙа эш сәфәрендә булғанда махсус хәрби операцияла һәләк булғандарҙың ғаиләләре һәм яралы хәрбиҙәрҙән дәғүәләр ишетергә тура килә”, - тине Республика етәксеһе Радий Хәбиров.
“Бюрократияны бөтөрөргә, ведомстволар араһында бәйләнеште яҡшыртырға кәрәк”, - тине “Ватанды һаҡлаусылар” дәүләт фонды филиалы етәксеһе Гөлнур Ҡолһарина.
“Ватанды һаҡлаусылар” фонды филиалы көн һайын иртәнге сәғәт 9-ҙан киске 6-ға тиклем эшләй. Ул баш ҡаланың Минһажев урамындағы 107-се йортта урынлашҡан.
