Өфөләге Зәйнәб Биишева исемендәге Башҡортостан « Китап» нәшриәтенең фирма магазинында Рәзинә Зәйнетдинованың «Ҡашлы йөҙөк» китабының исем туйы үтте.
Повесть, хикәйәләр һәм юморескаларҙы үҙ эсенә алған баҫма Өфөлә үткән икенсе « Китап-байрам» фестивале алдынан баҫтырылһа ла, киң тамашасыға әле тәҡдим ителде. Быға тиклем әҫәрәҙәр « Шоңҡар» журналы, « Йәшлек» һәм « Йәншишмә» гәзиттәрендә донъя күргән. « Ҡашлы йөҙөк» - авторҙың икенсе ижад емеше, унан алда « Китап» нәшриәте « Йәштәр тауышы» шәлкемендә Рәзинә Зәйнетдинованың « Килен шәле» китабын баҫтырғайны.
