Өфөнөң Ленин паркы төҙөкләндерелә. Баш ҡала үҙәгендә Миҙхәт Шакировҡа һәйкәл ҡуйыла. Милли ҡаһарманыбыҙ Салауат Юлаев һәйкәле яңыртыла. Башҡортостан Башлығы был турала парламент депутаттары алдындағы сығышында белдерҙе.
Бөгөн Өфөнөң Октябрь революцияһы урамында төҙөкләндереү бара. Ул йәйәүлеләр урамы була. Радий Хәбиров Торлаҡ-коммуналь хужалыҡ министрлығына һәм баш ҡала хакимиәтенә масштаблы проектты тормошҡа ашырыуҙа әүҙемлек күрһәтергә саҡырҙы. Киләһе йылда Театр урамын яңыртыу башлана, тине ул.
