Башҡортостан Башлығы Радий Хәбиров Бөтә донъя башҡорттары ҡоролтайының 6-сы съезында белдерҙе. “Тарихи хәтер беҙҙең өсөн терәк булып тора”, - тине республика етәксеһе.
Һуңғы йылдарҙа Ҡоролтай менән берлектә Пермдә танылған сәнәғәтсе Исмаил Тасимовҡа, Һамар өлкәһендә әҙәби башҡорт теленә нигеҙ һалған ғалим Ғәббәс Дәүләтшинға, Пермь крайында билдәле сәнәғәтсе Туҡтамыш Ишбулатовҡа һәйкәл ҡуйылды. 6-сы съезд барышында Радий Хәбиров Милләттәр эштәре буйынса федераль агентлыҡ етәксеһе Игорь Бариновҡа Генерал Шайморатов орденын тапшырҙы.
