Бөгөн Бөтә донъя башҡорттары ҡоролтайының 6-сы съезында ҡатнашыусылар Салауат Юлаев һәйкәленә сәскә һалды. Халҡыбыҙҙың милли геройының тыуыуына быйыл 270 йыл тулды. Милли батыр образы республикабыҙҙың айырылғыһыҙ символына әйләнде.
Сарала ҡатнашыусылар араһында билдәле совет скульпторы Сосланбәк Тавасиевтың ейәне лә булды. Ростан Тавасиев та олатаһы кеүек һынлы сәнғәт, скульптура һәм графика менән шөғөлләнә. Ул Башҡортостанда беренсе тапҡыр ғына түгел. Салауат Юлаев һәйкәлен реконструкциялау буйынса эш 2025 йылда башлана
Бер аҙна элек Мәскәүҙә үткән дәүләт экспертизаһы тамамланды, тип иҫкә төшөрҙө республика башлығы. Ҡоролтай делегаттары шулай уҡ башҡорт шағиры һәм йәмәғәт эшмәкәре Шәйехзада Бабич һәйкәлене лә сәскә һалды. Хәтерегеҙгә төшөрәбеҙ, Телеүҙәк алдындағы скульптура 2019 йылда Бөтә донъя башҡорттары ҡоролтайының 5-се съезы ваҡытында асылғайны.
