Стратегик тәғәйенләнештәге ракета ғәскәрҙәренә 65 йыл. Бөрйән районы мәҙәниәт һарайы алдында стела асылды. Тантана төбәк халҡы, Башҡортостандың хәрби комиссары Михаил Блажевич, стратегик тәғәйенләнештәге ракета ғәскәрҙәренең Башҡортостандағы ветерандар советы рәйесе Анатолий Балтинский ҡатнашлығында үтте. Стратегик тәғәйенләнештәге ракета ғәскәрҙәре илдең төп ҡалҡаны, тиелде сарала. Иҫке Собханғол ауылындағы стела ошо тармаҡта хеҙмәт иткәндәргә һәм әлеге ваҡытта Ватан һағындағыларға хөрмәт өлгөһө булып тора.
