Палата яңы составта бер йыл эшләне. “Беҙ халыҡ мәнфәғәтен яҡлайбыҙ. Республикала йәшәүселәр менән осрашып, уларҙың проблемаларын өйрәнәбеҙ”, - ти Башҡортостан Йәмәғәт палатаһы рәйесе урынбаҫары Гөлназ Мирхәйҙәрова.
“Йәмәғәт палатаһында мутлашыусыларға ҡаршы көрәш юлдары, яугирҙарға ярҙам ойоштороу мөмкинлектәре тураһында һөйләнек”, -ти палата рәйесе урынбаҫары Кристина Недорезова.
Башҡортостан Йәмәғәт палатаһы гражданлыҡ йәмғиәте торошо тураһындағы Докладҡа тәҡдимдәр туплай. Мөрәжәғәттәр 25 декабргә тиклем палатаның электрон почта адресына ҡабул ителә. Документ менән киләһе йылдың февралендә таныштырыу ҡарала.
