Радий Хәбиров Башҡортостан министрлыҡтары һәм ведомстволары етәкселәрен тәғәйенләү тураһындағы указға ҡул ҡуйҙы. Документҡа ярашлы, барлыҡ чиновниктар ҙа тиерлек үҙ вазифаларын һаҡлап ҡалған. Башҡортостандың Тарифтар буйынса дәүләт комитеты рәйесе итеп Наил Шәрәфетдинов тәғәйнләнде. Башҡортостан башлығының икенсе указы менән Светлана Бурдюк, күп йылдар хеҙмәт иткән өсөн пенсияға сығыу сәбәпле, үҙ теләге менән Тарифтар буйынса дәүләт комитеты рәйесе вазифаһынан бушатылды.
