Владимир Путин ошо турала тура эфир барышында белдерҙе. “Илдә эшһеҙлек 2,3 процент. Был түбән күрһәткес. Производствола эшсе көстәр етмәүе Рәсәйҙең иҡтисады үҫешенә йоғонто яһай”, тине дәүләт башлығы.
“Владимир Путин менән йыл йомғаҡтары” программаһы быйыл матбуғат конференцияһын һәм тура бәйләнеште берләштерә. Бындай эфирҙар ваҡытында Президентҡа иң күп һорауҙар 2015 йылда ҡабул ителгән. Бөтәһе 3 миллиондан ашыу мөрәжәғәт килгән. Аралашыу оҙонлоғо буйынса 2013 йылда рекорд ҡуйылған. Владимир Путин халыҡ һорауҙарына 4 сәғәт 47 минут дауамында яуап биргән.
