Күргәҙмәгә һәм һатыуға республиканың бер нисә төбәгенән төрлө йәштәге башҡорт тоҡомло аттар һәм бейәләр килтерелгәйне. Тоҡом менән ҡыҙыҡһыныусылар күрше Ҡаҙағстан республикаһынан да килгәйне. Баҙар «Ирәндек» башҡорт тоҡомло аттарҙы һаҡлау һәм үҫтереү буйынса хәйриә фонды. тарафынан ойошторолдо. «Ат баҙары» районда тәүгә үткәрелә, киләсәктә ул йолаға әүерелер, тип көтөлә. Сара Тайтулаҡ милли уйыны менән тамамланды.
