Хөкүмәт комиссияһы президиумы ултырышын вице-премьер Марат Хөснуллин уҙғарҙы. Унда видеоэлемтә аша Республика Башлығы Радий Хәбиров ҡатнашты. - Быйыл 105 миллион квадрат метр торлаҡ файҙаланыуға тапшырыла, 139 миллион квадрат метр асфальт һәм бетон һалына, тип белдерҙе Марат Хөснуллин. Башҡортостанда ғинуар-ноябрь айҙарында 2 миллион 800 мең квадрат метрҙан ашыу торлаҡ файҙаланыуға тапшырылған, 123 йәмәғәт биләмәһе төҙөкләндерелгән.
