Экспозицияла һуңғы ике йылда республика халҡы тапшырған ҡиммәтле әйберҙәр тупланған. Экспонаттар араһында боронғо фотоһүрәттәр, йорт кәрәк-яраҡтары, биҙәүестәр, китаптар бар. Күргәҙмәлә Башҡортостандың билдәле шәхестәренә бәйле ҡомартҡыларҙы, әйтәйек, Абдулла Солтановтың еләнен, ҡурайын күрергә мөмкин. Ә коллегабыҙ Ришат Миндияров вафатынан алда музейға шәхси коллекцияһынан боронғо күмер үтек һәм ағас мейес көрәге тапшырған булған.
Күргәҙмәлә иң боронғо әйбер XX быуат башына ҡараған батман булһа, иң яңыһы - махсус хәрби операция трофейҙары. Музей хеҙмәткәрҙәре төрлө тема буйынса экспонаттар күрһәтергә тырышҡан. Әйткәндәй, «Музейға бүләк» акцияһы киләсәктә лә дауам итәсәк.
