Яңы йылға бүләккә транспорт асҡысы. Бөгөн Башҡортостан башлығы Радий Хәбиров республиканың мәҙәниәт учреждениелары етәкселәренә йөк автомобиле асҡыстарын тапшырҙы.
2024 йыл Башҡортостандың мәҙәниәт учреждениелары өсөн ижади йәһәттән дә, матди-техник базаны нығытыу яғынан да уңышлы булған. Тәү сиратта театр, филармония, музейҙарҙың транспорт паркы яңыртылған. Йыл дауамында мәҙәниәт учреждениеларына еңел автомобиль асҡыстары тапшырылһа, был юлы йөк транспорты бирелде. Был сәхнә оҫталарына гастролдәргә йөрөүҙе еңеләштерә, заманса, уңайлы техника хәүефһеҙлекте тәьмин итә.
