Башҡортостанда Уңайлы ҡала мөхитен булдырыу буйынса конкурста еңеп сыҡҡан проекттарҙы ғәмәлгә ашырыу башлана. Республика торлаҡ-коммуналь хужалыҡ министрлығынан хәбәр итеүҙәренсә, бының өсөн федераль ҡаҙнанан 1 миллиард 600 миллион һумдан ашыу аҡса бүленә. Бәләбәй, Нефтекама, Благовещен, Салауат һәм Учалы ҡалаларында биләмәләр төҙөкләндерелә. 2019 йылдан башлап был федераль конкурста Башҡортостандан 34 проект еңеп сыҡҡан.
