Был турала баш ҡала хакимиәтендә үткән матбуғат конференцияһында белдерелде. Бөтә донъя һөнәрселек советының жюри ағзалары эш сәфәре менән Өфөгә килде. Улар төрлө йүнәлештә ижад итеүсе оҫталар менән осрашты, баш ҡаланың һөнәрселек йүнәлешен баһаланы. Уның һөҙөмтәләре буйынса, юғары исемде биреү һорауы хәл ителә. Статус Башҡортостан оҫталарының эшен донъя кимәлендә танытырға мөмкинлек бирәсәк, ти “Ағиҙел” башҡорт художество кәсептәре предприятиеһы етәксеһе Гүзәл Кәримова.
