Белорет районы Инйәр ауылының 2-се урта дөйөм белем биреү мәктәбендә ата-әсәләр йыйылышы махсус хәрби операцияға ярҙам итеү акцияһы менән берлектә ойошторолған. Балаларының өлгәше, мәктәп эшмәкәрлеге, үткән уҡыу йылы һөҙөмтәләре менән танышырға килгән ата-әсәләр окоп шәмдәре, ҡоро душ эшләүгә йәлеп ителгән. Йыйылыш һөҙөмтәле һәм файҙалы үткән. Ата-әсәләр балалар менән аралышып, уларҙың көндәлек шөғөлө, мәктәп тормошо менән танышһа, уҡыусылар өсөн патриотик тәрбиә дәресе уҙған.
