"Алға" махсус иҡтисади биләмәһе киңәйтелә. Уға Өфө районы, Салауат һәм Ағиҙел ҡалаларындағы участкалар ҡушыла. “Бында буласаҡ инвесторҙар менән эш алып барыла”, - тип белдерҙе Сәнәғәт, энергетика һәм инновациялар министры Александр Шельдяев:
“В ОЭЗ уже запустили производственную деятельность шесть предприятий. Это промышленное объединение «Аркада», которое занимается пошивом рабочей спецодежды, швейная фабрика по производству спортивной одежды ZASPORT, завод по производству оборудования для послеуборочной обработки зерна «АМКОДОР-Агидель» и компания по выпуску светодиодных ламп и осветительного оборудования «ЗУР». В 2024 году к ним добавились научно производственное объединение по выпуску электрооборудования «Уфимец» и компания «Азимут», которая специализируется на производстве дорожной краски. Инвестиции этих шести предприятий в ОЭЗ Алга» превысили 3,8 млрд рублей, а объём выпускаемой продукции составил порядка 3,2 млрд рублей. Здесь успешно трудятся более 770 человек”.
"Алға" Рәсәй махсус иҡтисади биләмәләренең инвестиция рейтингында бер баҫҡысҡа юғары күтәрелеп, етенсе урын алды. Радий Хәбиров әйтеүенсә, беҙгә инвесторҙар килә, эш урындары асыла. Был - иҡтисади үҫешкә ҡеүәт бирә.
Хәбәрсебеҙ “Алға” биләмәһе менән танышты.
Республикала 2030 йылға тиклем тулайым төбәк продукты 4 триллион һумға етергә тейеш. Башҡортостан Башлығы ошондай бурыс ҡуйҙы. “Республикаға инвестиция һалыусыларҙы арттырыу мөһим”, - тип белдергәйне Радий Хәбиров Дәүләт Йыйылышы-Ҡоролтайға мөрәжәғәтендә.
“Иҡтисадта даими үҫеш булдырыу өсөн бер нисә программа төҙөлдө. Башҡортостан башлығы ҡушыуы буйынса “Инвестицияларҙы һаҡлау һәм дәртләндереү” проекты уңышлы файҙаланыла. Дәүләт-шәхси партнерлыҡ механизмын ҡулланыу киңәйтелә. Иҡтисад фәндәре докторы Рөстәм Ахунов әйтеүенсә, инвестициялар йәлеп итеү өлкәһендәге әүҙем эшмәкәрлек яҡшы һөҙөмтәләргә килтерә.
Автор: Зөһрә Арсаева.
