Өфөнөң Нариман Сабитов исемендәге 1-се балалар музыка мәктәбе уҡыусылары мәшһүр композиторҙың тыуыуына 100 йыл тулыуға арналған концерт менән сығыш яһаны.
Маэстроның исемен йөрөткән белем усағында уның иҫтәлеге ҡәҙерләп һаҡлана. Концертта композиторҙың үлемһеҙ әҫәрҙәре яңы интерпретацияла яңғыраны. Балалар, опера һәм балет, вокал сәнғәте, фортепиано өсөн прелюдиялар һәм күләмле әҫәрҙәре башҡарылды.
Быйыл музыка мәктәбе ойошторолоуға 105 йыл тула. Бер нисә ай элек кенә белем биреү учреждениеһының фортепиано бүлегенә тәғәйенләнгән яңы өсөнсө корпусы асылған. Музыка мәктәбенә шулай уҡ «Мәҙәниәт» милли проекты буйынса Рәсәйҙә етештерелгән «Михаил Глинка» рояле алынған.
