Халыҡта улар «гармошка» тип йөрөтөлә. Был электробустарҙа тәпәш иҙән майҙаны ҙурайтылыуы аҙ мобилле граждандарға уңайлы. Навигация һәм климат-контроль системалары, видеокүҙәтеү, медиакомплекс - яңы троллейбустың яҡшы яҡтары күп. Улар бер зарядка менән 20 километр араны үтә ала. Модель Минск автомобиль заводы менән берлектә эшләнгән. Күрше республиканан Өфө трамвай -троллейбус заводына машинокомплект килә. Башланғыс комплектацияға буялған быялалары ҡуйылған кузов инә. Артабан Өфө заводы белгестәре төп агрегаттар һәм коммуникацияларҙы ҡуя. Шул уҡ ваҡытта комплектлау изделиеларының 25 процентын Башҡортостан предприятиелары тәьмин итә.
Бынан тыш, әлеге ваҡытта өсөнсө быуын троллейбустары моделе уйлана, ул алдағыһынан интерьеры һәм экстерьеры менән айырылып торасаҡ. Ике республика заводтары 2020 йылда хеҙмәттәшлек итә башлаған. Башҡорт-белорус троллейбустарының тәүге партияһы Өфөлә генә түгел, Чебоксар, Новокузнецк, Братск һәм Яңы Чебоксарск ҡалалары урамдарына ла ла ебәрелгән. «Әле был транспортты Рәсәйҙең 12 ҡалаһында күрергә мөмкин. Былтыр шулай уҡ «Алға» иҡтисади зонаһында берлектәге предприятие булдырыу тураһында меморандумға ҡул ҡуйылған. Был электр транспорты етештереүҙе ике тапҡырға арттырыу мөмкинлеге бирә.
