Был турала Радий Хәбиров белдерҙе. Быйыл Башҡортостандан мең ярым өлкән йәштәге туристың Белоруссияға сәфәр ҡылыуы көтөлә. Белорустар өсөн дә шундай программа булдырырға, Башҡортостанға сәфәрҙәр ойошторорға тәҡдим ителде. Шулай уҡ Бөйөк Еңеүҙең 80 йыллығын билдәләгәндә, беҙҙең республика уҡыусылары Белорустә хәрби дан урындарында була аласаҡ. Спорт өлкәһендә хеҙмәттәшлек нығына. Өфөлә үҫмерҙәр араһында турнир уҙғарыу тураһында килештек, - тине Радий Хәбиров. Башҡортостан делегацияһы эш сәфәре менән Минскиҙа булды.
