“Өфө-Арена” боҙ һарайы алдына хәрбиҙәрҙе юлға оҙатырға уларҙың ғаиләләре, яҡындары йыйылды. Республика Хөкүмәте Премьер-министры урынбаҫары Ирек Сәғитов яугирҙарға рәхмәт һәм оло ихтирамын белдереп, уларҙың ҡаһарманлыҡ, илһөйәрлек өлгөһө булыуын билдәләне. Ҡатмарлы хәрби бурыстарҙы үтәгәндә, яҡындарығыҙ өсөн борсолмағыҙ- уларға тейешле ярҙам күрһәтелә, тине. Ир-егеттәр хеҙмәт урынына уңайлы автобустарҙа бара. Хәрбиҙәрҙең отпускыһы ике аҙнаға иҫәпләнгән.
