Аҡсаның ҙур өлөшө федераль ҡаҙнанан бүленгән. 800-ҙән ашыу йәмәғәт биләмәһе тәртипкә килтерелгән. 50 балалар баҡсаһы, 30 мәктәп, һаулыҡ һаҡлау, мәҙәниәт һәм спорт объекттары төҙөлгән, 2 мең километрға яҡын юл ремонтланған, ҙур сүплектәр бөтөрөлгән. - Ҡуйылған бөтә бурыстар үтәлде. Йәшәү шарттары яҡшырҙы. Яңы милли проекттар менән был эште дауам итәбеҙ, тине премьер-министр Андрей Назаров.
