Уның төп яңылығы - уйларға ваҡыт биреү. Йәғни, 50 меңдән 200 мең һумға тиклемге кредит шунда уҡ түгел, ә кәмендә 4 сәғәткә тиклем кисектерелә. 200 мең һумдан ашыу займ тик 48 сәғәттән һуң ғына күсә. Әгәр кредит биреүсе ойошма был шарттарҙы боҙһа, заем алыусы түләүҙәрҙән азат ителә.
Шулай уҡ мутлашыусыларға аҡса күсереүҙе булдырмаҫ өсөн тағы бер нисә яңылыҡ. Атап әйткәндә, карталарҙы ғәмәлләштереү һәм хеҙмәтләндереүгә сикләүҙәр индерелә. 50 мең һумдан ашыу сумма кредит картаһына мәҫәлән, 48 сәғәт үткәс кенә иҫәпкә күсерелә. Банктар шикле операциялар тураһында мәғлүмәт базаһындағы кешеләргә карта биреүҙән баш тартырға хоҡуҡлы.
