Совет ғәскәрҙәрен Афғанстандан сығарыуҙың 36 йыллығына бәйле саралар республика район-ҡалаларында ла үтте. Шаран районында яугир-интернационалистар менән бергә, махсус хәрби операцияла ҡатнашыусылар ҡаһарман яҡташтарын хөрмәтләп иҫкә алды. Шаран ауылының Йәштәр үҙәге биләмәһендәге Хәрби хәрәкәттәр ҡатнашыусыларына арналған һәйкәлгә сәскәләр һалды. Бөгөн яугир-интернационалистар махсус хәрби операция биләмәһендә хеҙмәт итеүселәргә гуманитар ылау ойоштороуҙа ла әүҙемлек күрһәтә. Уларҙың фиҙаҡәр хеҙмәте район хакимиәтенең Рәхмәт хаттары менән баһаланды.
