Уҙған йылдың 11 айы һөҙөмтәләре буйынса тышҡы тауар әйләнеше 20 процентҡа артҡан. Был турала республика башлығы Радий Хәбиров Үзбәкстандың Рәсәйҙәге Ғәҙәттән тыш һәм тулы хоҡуҡлы илсеһе Ботиржон Асадов менән эшлекле осрашыуында билдәләп үтте. Яҡтар юл картаһына һалынған мөһим проекттарҙы ҡарап, сәнәғәт кооперацияһына төп иғтибарҙы йүнәлтте.
Быйыл майҙа Өфөлә Наманган өлкәһенең сауҙа йортон асыу көтөлә, унда текстиль продукция тәҡдим ителәсәк. Осрашыу барышында гуманитар, социаль һәм туризм өлкәләрендәге берҙәм проекттар ҙа ҡаралды, хеҙмәт миграцияһы мәсьәләләре күтәрелде.
Үзбәкстан делегацияһы Өфөнөң Совет майҙанында ла булып, Рәсәй Геройы, легендар комдив Миңлеғәле Шайморатов һәйкәленә сәскә һалыуҙа ҡатнашты. Шулай уҡ ҡунаҡтар өсөн Башҡортостан предприятиелары буйлап эскурсия уҙғарылды.
