Рәсәй ҡулланыусылар хоҡуғын күҙәтеү хеҙмәтенең Башҡортостан буйынса идаралығы мәғлүмәттәренә ярашлы, ауырыуҙар 28 меңдән ашҡан, уларҙың яртыһы 14 йәшкә тиклем балалар. Башҡа респиратор вирустар менән сағыштырғанда, грипп 64 проценттан күберәк теркәлгән. Сирҙе йоҡтормаҫ өсөн профилактика сараларын үтәү мотлаҡ: йәмәғәт урындарында битлектә йөрөү, ҡулды һабынлап йыуыу, биналарҙы елләтеү кәңәш ителә. Табиптар билдәләүенсә, алдағы ике аҙнала грипп һәм башҡа респиратор инфекция ауырыуҙары тулҡыны дауам итә.
