Башҡортостандың матбуғат һәм киң мәғлүмәт агентлығы ойошторған киңәйтелгән коллегия ултырышында бөгөн шулай тип билдәләнде. Медиаөлкәләге йыллыҡ һөҙөмтәләр барланды, бурыстар билдәләнде.
Йыл дауамында күтәрелгән темалар һәм уларҙы халыҡҡа еткереүҙә лайыҡлы хеҙмәт күрһәтеүселәрҙең эше баһаланды. Төп темаларҙың береһе- махсус хәрби операция. Уны яҡтыртыу маҡсатында хәрби биләмәгә беҙҙең телеканалдан дүрт бригада 11 тапҡыр барып ҡайтты. Хеҙмәттәштәребеҙҙең хәрби сәфәре әле лә дауам итә. Артабан да журналистарға илһөйәрлек темаһына өҫтөнлөк биреү, һанлы майҙансыҡтарҙа аудиторияны арттырыу бурысы ҡуйылған.
