Аҙна башында төбәк етәксеһе Радий Хәбиров Указы менән Башҡортостанда Фән һәм юғары белем буйынса дәүләт комитеты ла булдырылды. Был турала республика етәксеһе декабрь аҙағында Дәүләт Йыйылышы - Ҡоролтайға йыллыҡ мөрәжәғәтнамәһендә үк белдергәйне. Быға тиклем Башҡортостан илдең 20 пилот төбәге менән бер рәттән 2030 йылға тиклем фәнни-технологик үҫеш буйынса комплекслы программа төҙөнө. БЮТ хәбәрсеһе Әлфинә Килдейәрова Башҡортостан Фәндәр академияһы академигы Хәлил Сафин менән әңгәмәләшеп, яңы ведомствоның эшмәкәрлеге һәм республикала фән үҫешенең бөгөнгө кимәле менән ҡыҙыҡһынды.
